http://www.scribd.com/doc/74872182/Ha-Nu-Mad-War-at-Am

పాహి రామచంద్రప్రభో

ఆరభి రాగము త్రిశ్రనడ

పల్లవి..పాహి రామచంద్రప్రభో పలుకవేమిరా
కనికరించి నాదరికి కదలిరావదేలరా

నిరతము నీ నామమునే మదిని తలచు చుంటినిరా
నీవే నా దైవమ్మని నిన్ను కొలచు చుంటినిరా
సత్యవ్రతుడవు నీవని సకలము నీ కెరుకయని
హితులకు సన్నిహితులకు హితము కలుగ చేయుచుంటి

అడుగులకే మడుగులొత్తు అనుజుండే లక్ష్మణుండు
అహరహమును ప్రీతితోడ పులకరించు హనుమన్న
సాధ్వి సీత సపర్యలు సమ్మోహన పరచుచుండు
సకల జనుల సన్నుతుడవు యేమని నుతియింతునురా

రచన : కొడవంటి సుబ్రహ్మణ్యం

శ్రీ సీతారామ కళ్యాణం

             ఆరభి రాగము ఆదితాళము

శ్రీ రాముడు శివ ధనువు నెత్తగ
జానకి హృదయము ఝల్లుమనె

ఫెళ ఫెళ మనెను పెను రవమయ్యె
మిథిలా నగరము మోదమునందె

జనకుడానంద పరవసుడయ్యె
విశ్వామిత్రుడు ప్రసన్నుడయ్యె

దశరధుడెంతయొ సంతసించెను
అయోధ్య పొంగెను హర్షము తోడ
జానకి రాముల పరిణయమాయెను
జగము పులకించె జయము జయమ్మని

                   రచన : కొడవంటి సుబ్రహ్మణ్యం

శ్రీ రాముడే నా రాముడు శ్రీ రాముడు నా రాముడు

కానడ రాగము ఆది తాళము

పల్లవి .. శ్రీ రాముడే నా రాముడు శ్రీ రాముడు నా రాముడు
శ్రీ రాముడూ నా రాముడు

౧. దశరధునకు గారాల తనయుడు
మౌని యాగమును గాచిన ఘనుడు
శివ ధనువును అవలీలగా ద్రుంచి
సీతా దేవిని పరిణయమాడిన

౨. కైక మాటలకు కినుక వహింపక
కాంత జానకితొ కానల కేగి
పాదుకలను భరతునకొసగి
పాదపూజలు అందుకొనిన

౩. రావణుడంతట రమణి జానకిని
ఆపహరించెనని ఆర్తిని చెంది
సతిఎడబాటును సహించ నేరక
సహనశీలియై సతమతమైన

౪. హనుమ సహాయము జానకి జాడయు
చూడామణితో సంతసమంది
అనుజు లక్ష్మణుని అంజని సుతుని
ఆప్యాయతతో అక్కున జేర్చిన

౫. వానర బలముతొ వారధి దాటి
లంకను చేరి రణమును సలిపి
రావణు దునిమి రమణిని చేరి
రామరాజ్యముగ అయోధ్యనేలిన

రచన : కొడవంటి సుబ్రహ్మణ్యం